Մագնիսը կարո՞ղ է օգնել թրոմբոզի բուժմանը. news.am

Ռուսաստանցի գիտնականները թրոմբոզի բուժման նոր դեղ են մշակել, որը կազմված է ծակոտկեն մագնիսական հիմքից եւ դրա մեջ ամփոփված թրոմբոլիտիկ ֆերմենտից: Ուղեղի եւ սրտի կաթվածների դեպքում բժիշկների կարեւորագույն խնդիրներից մեկն անոթը խցանող թրոմբը հնարավորինս արագ տարրալուծելն է: Այժմ այդ նպատակով հիվանդներին թրոմբոլիտիկ դեղեր են ներարկում, որոնք արագ բաշխվում են արյունատար համակարգով եւ ուղղորդված ազդեցություն չեն գործում: Թրոմբը հաղթահարել թույլ է տալիս միայն դեղի բարձր խտությունը, որի ներարկումը հաճախ լուրջ կողմնակի հետեւանքներ է ունենում:

Նոր մագնիսակառավարվող դեղը, որը մշակվել է ՏՏՄՕ-ի համալսարանի եւ Սանկտ Պետերբուրգի Մարիինյան հիվանդանոցի կողմից, ուղղորդված ազդեցության շնորհիվ թույլ է տալիս նվազեցնել թրոմբոլիտիկի չափաբաժինը: Մագնետիտային հիմքի մեջ ուրոկինազ են տեղադրում` ֆերմենտ, որը բժշկության մեջ օգտագործվում է թրոմբների տարալուծման համար: 

«Սովորաբար, նման նյութերի մշակման դեպքում երկարաժամկետ ազդեցություն ստանալու համար սպիտակուցը տեղադրում են պոլիմերային մատրիցայի մեջ, որից այն ամբողջությամբ ազատվում է եւ որոշ ժամանակ անց դեղը դատարկ կաղապարի է վերածվում»,-նշել է Առաջավոր նյութերի եւ տեխնոլոգիաների լուծույթային քիմիայի միջազգային լաբորատորիայի աշխատակից Անդրեյ Դրոզդովը: Մենք արդեն փորձարկմամբ ցույց ենք տվել, որ բաղադրության մեջ ֆերմենտը չի կորցնում իր թերապեւտիկ հատկանիշները նույնիսկ բազմակի օգտագործման դեպքում եւ շատ երկար է աշխատում: Նոր բաղադրությունը թրոմբի տարալուծման արագությամբ եւս չպաշտպանված ֆերմենտներին գերազանցում է ավելի քան 4000 անգամ»:

Մշակողները ենթադրում են, որ այդ դեղը հնարավոր կլինի օգտագործել ո՛չ միայն սրտի եւ ուղեղի կաթվածների դեպքում շտապ օգնություն տրամադրելու համար, այլեւ թրոմբոզների կանխարգելման:

Հարցեր, պատասխաններ, մեկնաբանություններ